galego | español
texto grande
buscar

Noticias

Urbanismo

venres, 10 de novembro de 2017
"Portos acometerá a vindeira semana o acondicionamento da rúa dos Irmáns Otero Goday"

Trátase dunha das reclamacións realizadas polo Concello do Grove perante o ente autonómico, tal e como lle trasladou o alcalde do Grove na reunión mantida na Consellería.

 

O persoal técnico de Portos informou esta semana que o vindeiro luns comezarán as obras de acondicionamento da rúa Irmáns Otero Goday. Trátase dunha das actuacións máis demandadas polos veciños e veciñas do Grove dentro das competencias deste ente e o propio alcalde do Grove trasladoulle esa necesidade á conselleira de Mar na reunión mantida hai xa varios meses. A actuación consistirá na creación dunha beirarrúa á beira do mar, buscando a mellora a seguridade viaria na zona. Tamén se realizarán melloras na escollera na zona denominada Con das Señoritas, inda que non se acometerá a zona completa, senón unha pequena parte.

 

Desde o Concello do Grove valórase positivamente esta actuación, pero non se perde de vista que Portos aínda conta cunha longa lista de débedas co Grove e coa súa veciñanza, polo que é preciso que se poña en marcha o antes posible para evitar a continua deterioración das consideradas “zonas portuarias” (como, por exemplo, a praza do Corgo). Sexa como for, agárdase que estas obras se desenvolvan con normalidade e teñan como resultado a necesaria mellora da zona.

 

axenda

calendario
mes anterior novembro | 17 mes próximo
LMMXVSD
12345
6789101112
13141516171819
20212223242526
27282930

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss