galego | español
texto grande
buscar

Noticias

Cultura

luns, 22 de xullo de 2019
"O Concello do Grove celebra o Día da Patria cun acto institucional na praza do Corgo"

 

Durante toda a semana desenvolverase unha intensa programación cultural

 

O Concello do Grove celebra o 25 de xullo, Día da Patria Galega, cun acto institucional que terá lugar na praza do Corgo.

 

O acto comezará ás 21.00 h coa interpretación do Himno de Galicia a cargo da Coral Polifónica da Confraría de Pescadores San Martiño, continuará con interpretacións musicais de Clara Pino e Pablo Vidal e intervencións poéticas de M.ª Carmen Cacabelos e Queco Fresco. Así mesmo, tamén intervirán José Antonio Cacabelos, alcalde do Grove, e Noemí Outeda, concelleira de Cultura.

 

Durante a semana a programación cultural será moi intensa, con novas e variadas propostas para todos os públicos.

 

O martes terá lugar unha nova sesión de contacontos na rúa Alcalde Xacobe Barral Otero, coa representación de Travesías, a cargo de Raquel Queizás, dirixida a público familiar.

 

O mércores 24 de xullo a Asociación Cultural e Musical Os Firrás achegarán ata a praza do Corgo unha nova edición de Noite de Serenatas coa participación do Grupo Lembranzas Moañesas e Os Firrás.

 

O venres 26 será a quenda para a maxia, o humor e a diversión. Expresión Produccións representará na Praza do Corgo Un, dous, tres, espectáculo teatral  do ciclo Cultura no Camiño con maxia, música, clown, participación do público e moitas sorpresas para gozar en familia.

 

Xa o sábado 27 de xullo a Coral Polifónica de San Martiño celebrará o VI Memorial Loli Cabanelas cun concerto de zarzuela no cal tamén participarán a Coral Polifónica de Santa María da Adigna, de Portonovo, a soprano Concha Rodríguez, a mezzosoprano Andrea Rey e os tenores Xabier Orge e Cristian Wagner.

 

axenda

calendario
mes anterior agosto | 19 mes próximo
LMMXVSD
1234
567891011
12131415161718
19202122232425
262728293031

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss