galego | español
texto grande
buscar

Noticias

Igualdade e Sanidade

venres, 12 de febreiro de 2021
"O Concello do Grove convoca unha nova edición do Concurso de Fotografía polo Día Internacional da Muller"
foto

 

De cara á celebración o vindeiro 8 de marzo do Día Internacional da Muller, ponse en marcha un concurso de fotografía aberto a persoas profesionais e afeccionadas.

 

A Concellería de Igualdade do Concello do Grove convoca un ano máis o Concurso de Fotografía polo Día Internacional da Muller, no que quen participe deberá presentar imaxes que reflictan o traballo das mulleres en calquera eido. Neste concurso poderá participar toda persoa maior de idade que o desexe, sexa profesional ou afeccionada, presentando un máximo de tres fotografías en formato impreso ou dixital. As fotos serán orixinais e non premiadas noutros concursos, poderán ser presentadas en formato horizontal ou vertical, tanto en cor como en branco e negro, pero non se permite que estean retocadas dixitalmente.

 

Para concorrer ao certame, as fotografías deberán enviarse, ben en formato dixital ao enderezo de correo electrónico 08marzogrove@gmail.com, ben en formato impreso por correo postal ao Centro de Información ás Mulleres (CIM) municipal (rúa do Matadoiro, s/n, 36980 O Grove), sempre acompañadas da correspondente folla de inscrición cuberta e do documento de identidade da autora ou autor. O prazo de inscrición estará aberto desde a publicación das bases na páxina web do Concello do Grove (www.concellodogrove.es) ata o mércores 3 de marzo de 2021, incluído.

 

O xurado, composto por integrantes do Consello Local de Igualdade (CLI) e por profesionais relacionados coa arte e a fotografía, outorgará un primeiro premio de 350 euros, un segundo de 250 e un terceiro de 150 euros, así como o Premio ao Impulso á Promoción da Muller, dotado con 250 euros. O nome das catro persoas galardoadas darase a coñecer na páxina web municipal o día 8 de marzo de 2021.

 

Ademais, a fotografía gañadora será empregada na campaña do Día Internacional da Muller e as 20 fotografías con maior puntuación serán expostas ao público durante todo o mes de marzo.

 

BASES E FOLLA DE INSCRICIÓN>

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss