galego | español
texto grande
buscar

Noticias

Cultura

martes, 11 de xaneiro de 2022
"O CONCELLO DO GROVE ORGANIZARÁ UN ENTROIDO ADAPTADO ÁS CONDICIÓNS SANITARIAS"
foto

 

O obxectivo principal é facilitar a celebración e o desfrute do Entroido Meco, pero evitando as aglomeracións e os riscos de contaxio.

Despois de varias xuntanzas do Equipo de Goberno e coas comparsas, tendo en conta a actual evolución da pandemia, decidiuse modificar o formato tradicional.

Festival de comparsas

A situación sanitaria actual imposibilita a organización do tradicional festival de comparsas co formato do pavillón dos deportes, polo que, para evitar riscos para o público durante a celebración do evento e para as persoas integrantes das formacións comparseiras nos ensaios, o festival aprázase ata o mes de maio e buscaranse alternativas para facelo ao aire libre.

Así mesmo, e polos mesmos motivos, tamén se aprazan para maio as actuacións das comparsas en San Vicente.

Baile infantil

A situación sanitaria tamén imposibilita que teña lugar o baile infantil no pavillón dos deportes, polo que se ofrecerán alternativas de ocio seguras para a rapazada.

Martes de Entroido

Mantense o desfile de disfraces do Martes de Entroido, pero con algúns cambios dirixidos a evitar as aglomeracións e a minimizar os riscos. Modificarase e ampliarase o circuíto e reducirase o número de voltas a unha soa, o que permitirá o espallamento do público ao longo de todo o percorrido, así como a separación necesaria entre as persoas participantes.

Enterro da sardiña

Así mesmo, tamén se levará a cabo con variacións e con todas as medidas de seguridade o enterro da sardiña.

Entroido dixital

Seguindo a liña iniciada en 2021 e co obxectivo de lle facilitar á veciñanza o acceso e desfrute de todo o material relativo ao Entroido existente no arquivo e na sala de fondo local da biblioteca municipal, continuarase o labor de difusión da documentación a través das redes sociais, concretamente, da páxina de Facebook do Entroido do Grove (https://www.facebook.com/entroidodogrove).

Trátase de continuar a exposición dixital de material sobre o Entroido do Grove iniciada en 2021, que comprende unha recompilación de fotos dos dez últimos concursos dos Martes de Entroido, programas, vídeos, dossieres de prensa e outros documentos de grande interese que aínda están sen publicar. 

Deste xeito, preténdese ofrecerlle momentos de lecer e diversión á poboación dunha forma accesible a través dos teléfonos móbiles, tabletas e portátiles, que poderán gozar e descargar en calquera momento.

 

 
Galería:
 
Webcam en Directo

axenda

calendario
mes anterior xaneiro | 22 mes próximo
LMMXVSD
12
3456789
10111213141516
17181920212223
24252627282930
31

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss