galego | español
texto grande
buscar

Noticias

Urbanismo

mércores, 20 de decembro de 2017
"O Concello do Grove acada un paso máis do Plan Especial do Centro de Saúde e o Centro de Día"

O pasado venres a Xunta de Galicia remitiu o informe de medio ambiente que o Concello levaba agardando máis de catro meses.

 

Dentro do complexo proceso posto en marcha polo goberno local en 2015 para aprobar o Plan Especial do Centro de Saúde e o Centro de Día nos terreos municipais das Touzas, esta semana conseguiuse un paso fundamental para poder poñer en marcha este necesario proxecto. Lembramos que durante o anterior mandato o Plan Especial preceptivo para poder poñer en marcha estas infraestruturas foi botado abaixo alegando a ausencia dunha serie de informes e aprazándoo indefinidamente.

 

En 2015 retomouse o documento solicitando os informes relativos ao Plan de Ordenación do Litoral (aprobado no mesmo 2015), o de Patrimonio, de Urbanismo e de Medio Ambiente. A sorpresa produciuse cando, despois de meses de espera, a Xunta de Galicia informa de que non era preciso o informe relativo ao POL e Patrimonio indica que non é preciso contar con informe previo desta institución para poñer en marcha a construción do Centro de Día. Neste proceso, a Xunta aprobou unha nova Lei do solo (2016), o que fixo necesario readaptar toda a documentación, ralentizando o proceso. Unha vez adaptada a documentación foi solicitado o derradeiro dos informes necesarios, o relativo a Medio Ambiente. Logo de catro meses de espera, este foi autorizado pola Xunta de Galicia.

 

A partir de agora o Plan Especial deberá ser aprobado pola Xunta de Goberno Local para a súa remisión definitiva ao ente autonómico, que ten dous meses para informar a proposta que, unha vez superado este trámite, terá que se aprobada en Pleno para a súa aprobación definitiva. Trátase, polo tanto, dos últimos pasos necesarios para poder contar coa adecuación dos terreos que o Concello do Grove precisa para o Centro de Día, poñendo, ademais, á disposición da Xunta de Galicia, solo para un novo Centro de Saúde, ambas as infraestruturas moi necesarias no Grove.

axenda

calendario
mes anterior abril | 18 mes próximo
LMMXVSD
1
2345678
9101112131415
16171819202122
23242526272829
30

noticias

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss