Documentación e Patrimonio
O arquivo municipal é o lugar onde a Administración local reúne, conserva, organiza e pon á disposición dos cidadáns e investigadores os documentos que dan testemuño dos feitos acontecidos ao longo da nosa historia.
O arquivo municipal do Concello do Grove é un arquivo vivo, que recibe os documentos que xeran as diferentes oficinas municipais nos seus procesos administrativos.
Situación
Casa da Cultura Manuel Lueiro Rey
Rúa Monte da Vila, 11
36980 O Grove Teléfono: 986 732 341
Funcións
- Custodiar os documentos xerados ou recibidos polo Concello no transcurso da súa xestión.
- Tratar tecnicamente a documentación con traballos de control, clasificación, ordenación, selección, descrición documental co fin de recuperar, mediante inventarios ou catálogos, a información contida nos documentos.
- Servirlles a documentación e proporcionarlles a información contida nos expedientes, documentos, proxectos, etc. ás dependencias municipais que soliciten antecedentes, aos cidadáns e aos investigadores e historiadores; respectando as limitacións de acceso aos documentos consideradas nas leis.
Co obxectivo de facilitar a difusión e a preservación da riqueza documental e patrimonial do noso concello, estanse a realizar labores de dixitalización do material arquivístico local.
Horario: para a consulta de documentos cómpre solicitar con anterioridade unha autorización na Casa do Concello.
2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
