galego | español
texto grande
buscar

Noticias

Educación

lunes, 26 de octubre de 2020
"[GALEGO] A ESCOLA MUNICIPAL DE MÚSICA INICIA AS SÚAS CLASES ADAPTÁNDOSE Á NOVA NORMALIDADE"
[GALEGO]

 

A matrícula segue aberta para os distintos instrumentos dos que se imparte formación na Escola.

 

A Escola Municipal de Música “Pepe Silva” do Grove comeza esta semana o novo curso logo dun proceso de adaptación ás denominadas “Normas Covid”. Deste xeito, ademais de marcar os correspondentes accesos diferenciados, os horarios foron modificados buscando que o estudantado teña o menor contacto posible. As clases de instrumento seguen sendo individuais, como xa eran, o que garante unha maior seguridade. No relativo ás clases de teoría musical e linguaxe musical, organizáronse grupos reducidos, coa correspondente separación nas aulas, que tamén serán sometidas aos mesmos procesos de desinfección que se están realizando nos colexios.

 

Nestes momentos son 40 nenas e nenos os que iniciaron o curso en teoría e linguaxe musical, mentres que, no relativo aos instrumentos, xa comezaron con guitarra, violín, chelo, piano, percusión e trompa. As outras especialidades aínda non se iniciaron, xa que non se produciu demanda. Lembramos que o prazo de matrícula se mantén aberto, polo que inda é posible formar parte deste curso. Tan só é necesario inscribirse no rexistro do Concello (no edificio administrativo) en horario de 9.00 a 14.00 horas ou a través da Sede Electrónica (é preciso dispoñer de sinatura electrónica). O impreso para a inscrición está dispoñible na páxina web do Concello e conta co número de teléfono de información da Escola para calquera dúbida que xurda ao respecto.

 

A Escola de Música do Grove tense consolidado como un referente na formación musical e conta cada vez con máis demanda. Malia que o pasado curso as clases presenciais tiveron que parar por mor do confinamento, este ano vólvese á presencialidade con todas as medidas de seguridade precisas.

Webcam en Directo

agenda

noticias

Rede de
bibliotecas

perfil del
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss