galego | español
texto grande
buscar

Noticias

Cultura

luns, 1 de xullo de 2019
"O Concello do Grove presentou hoxe a programación cultural para o verán 2019"
foto
Noemí Outeda, concelleira de Cultura

 

As actividades comezarán o mércores 3 de xullo e continuarán ata o 30 de agosto.

 

O Concello do Grove presentou hoxe a programación cultural para o verán 2019 que se desenvolverá desde o 3 de xullo ata o 30 de agosto. Trátase dun amplo programa que ofrecerá distintas actividades culturais ao longo dos meses de xullo e agosto co fin de ofrecer entretemento e achegar a cultura aos habitantes da vila e a todas aquelas persoas que nos visitan durante o verán.

 

Esta iniciativa conta cunha programación moi diversificada para poder compracer a todos os públicos: teatro, cine, folclore, concertos, musicais, baile, actividades para os cativos... Deste xeito, practicamente todos os días se levan a cabo distintas actividades culturais en diferentes rúas.

 

A programación comezará o mércores 3 de xullo co ciclo de Cinemas de Verán, que se desenvolverá todos os mércores na Rúa Hospital e complementarase coa proxección ao inicio de curtas de Pixar e máquina de flocos de millo. A primeira proxección será Ralph rompe Internet, película recomendada para todos os públicos e que comezará ás 22.15 h.

 

Xa o xoves 4, dará comezo o ciclo Xoves Musicais coa actuación de A Banda do Sequío na praza do Corgo a partir das 21.30 h. As actuacións tamén se desenvolverán ao longo dos meses de xullo e agosto. Trátase dun ciclo que, este ano, busca poñer en valor a música e interpretación dos artistas da nosa vila.

 

O martes 9 de xullo ás 20.30 h comezarán as actividades para os cativos e público familiar co contacontos Amoriños contei, a cargo de Tarabelos. Todos os martes se desenvolverán os espectáculos de dinamización na rúa Alcalde Xacobe Barral a partir das 20.30 h.

 

O xoves 25 de xullo, a partir das 21.00 h, a praza do Corgo acollerá o acto institucional do Día Nacional de Galicia coa actuación de Clara Pino e Pablo Vidal, intervencións poéticas a cargo de M.ª Carmen Cacabelos e Queco Fresco e a interpretación do Himno de Galicia a cargo da Coral Polifónica da Confraría de Pescadores.

 

Así mesmo, o Concello do Grove segue dedicando un espazo especial á interpretación realizada por mulleres en recoñecemento polo seu valor artístico e como reivindicación dun espazo para as mulleres na programación cultural. Contará coas actuacións de Red Vita, Carolina Rubirosa e Cinco en Zocas no ámbito musical e Raquel Queizás, Xarope Tulú e María Faltri no ámbito da narración oral.

 

O ciclo Cultura no Camiño achegará ata o Grove varias actuacións, entre elas o espectáculo de maxia e clown Un, dous e tres, a cargo de Expresión Producccións e dirixido a público familiar, que terá lugar o venres 26 de xullo na praza do Corgo. Así mesmo, o venres 16 de agosto terá lugar o espectáculo de teatro musical E se os soños se cumpren?, a cargo de Garaxe Hermenéutico, tamén na praza do Corgo.

 

O programa completarase con diferentes actividades musicais, outras realizadas polas asociacións culturais Cantodorxo, Os Firrás, Coral Polifónica da Confraría de Pescadores San Martiño e a Festa da Salga a cargo da Asociación de Amigos do Espazo Museístico de Punta Moreiras e outras iniciativas como a programación de verán de O Patio ou O Carnaval de Verán organizado polos locais da rúa do Pombal.

 

 
Galería:
 
Webcam en Directo

axenda

calendario
mes anterior novembro | 19 mes próximo
LMMXVSD
123
45678910
11121314151617
18192021222324
252627282930

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss