galego | español
texto grande
buscar

Noticias

Medio Ambiente

martes, 17 de novembro de 2020
"A XUNTA DE GALICIA INFORMA SOBRE O ALTO RISCO DA INFLUENZA AVIARIA NO GROVE"
foto

 

A Consellería do Medio Rural trasladou unha serie de medidas que se deben adoptar en municipios de especial risco como o do Grove ante o aumento de casos desta enfermidade en aves silvestres e de curral.

 

O Concello do Grove informa de que, ante o aumento significativo de Influenza Aviaria de Alta Patoxeneidade en aves silvestres e de curral detectado en Europa, é preciso que as zonas de especial risco adopten medidas preventivas para evitar a extensión desta enfermidade. Lembramos que se trata dun tipo de virus que só causa enfermidade nas aves e, polo tanto, non é perigoso para a saúde das persoas.

 

O pasado 11 de novembro o Ministerio de Agricultura, Pesca e Alimentación elevou o nivel de risco a alto nas zonas de especial risco (ZER) e de especial vixilancia (ZEV), o que implica a aplicación das medidas de protección recollidas na normativa existente que contempla, entre outras cousas, a prohibición da presenza de aves de curral en centros de concentración de animais (certames gandeiros, mostras, exhibicións...); a prohibición da cría de aves de curral ao aire libre; a prohibición de cría de parrulos e gansos xunto con outras especies de aves de curral e darlles auga ás aves de curral que procedan de depósitos de auga onde puidesen ter accedido aves silvestres.

 

Ademais do anterior, a Consellería pon á disposición do municipio os servizos veterinarios oficias a través da Oficinas Agrarias Comarcais para contar con máis información sobre esta situación de risco. Dende o Concello do Grove ínstase á veciñanza a atender as recomendacións e prohibicións e ser consciente do risco que esta patoloxía podería supor para a riqueza avícola da nosa zona.

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss