Comercio

Todos os venres, de oito da mañá a dúas e media da tarde, na concorrida praza do Corgo desenvólvese a tradicional feira.

Máis de 100 vendedores e vendedoras ambulantes enchen de colorido a nosa localidade para ofrecer todo tipo de artigos téxtiles, calzado, cerámica, alfombras, bixutería e tamén froita e flores nos soportais da praza de abastos.

A feira é unha boa oportunidade para mercar e pasear, un atractivo máis para visitar o noso concello e tomar logo unhas tapas e viños nos bares e restaurantes da vila.