galego | español
texto grande
buscar

Noticias

Cultura

luns, 22 de marzo de 2021
"O CONCELLO DO GROVE ORGANIZA UNHA PROGRAMACIÓN CULTURAL INFANTIL SEGURA PARA AS VACACIÓNS DE SEMANA SANTA"
foto

O programa contará cun contacontos ilustrado, e tres espectáculos de maxia infantil a través de Zoom

O Concello do Grove ofrecerá durante esta Semana Santa unha programación cultural infantil para a rapazada que contará con propostas culturais seguras co fin de entreter os máis pequenos durante estas vacacións.

Contacontos ilustrado

O venres 26 de marzo, a partir das 18.00 h, desenvolverase na zona exterior da biblioteca municipal o contacontos ilustrado “A cabalo dunha pomba”, a cargo de Polo Correo do Vento. Este espectáculo está dirixido a público familiar e todos os asistentes levarán en agasallo a pequena biografía ilustrada de Manuel Lueiro Rey. As prazas son limitadas, polo que é necesaria inscrición previa na biblioteca, no tfno. 986 732 341, no email biblioteca@concellodogrove.es ou por privado ao Facebook. 

A Hora Máxica, show de maxia infantil

Os días 29, 30 e 31 de marzo, a partir das 11.30 h, ofreceranse tres shows de maxia infantil “A Hora Máxica”, un espectáculo de maxia online de aproximadamente 60 minutos a través da plataforma Zoom, na que participan os magos máis divertidos da xeografía española, que farán as delicias dos nenos e nenas cos seus xogos de maxia. Deste xeito as e os asistentes poderán desfrutar e participar dun show en vivo e en directo sen saír das súas casas cumprindo uns requisitos que caracterizan este espectáculo: divertido, participativo, máxico, ilusionante e, sobre todo, seguro. Para a conexión virtual só é necesario un dispositivo electrónico como un teléfono, unha tableta, un ordenador etc. que se usa tanto de webcam como de televisión. Todos os que queiran participar nestes espectáculos deberán poñerse en contacto coa biblioteca municipal do Grove (no tfno. 986 732 341, no email biblioteca@concellodogrove.es ou por privado ao Facebook) onde lles será facilitado o formulario de inscrición para participar na actividades.

 
Galería:
 
Webcam en Directo

axenda

calendario
mes anterior setembro | 21 mes próximo
LMMXVSD
12345
6789101112
13141516171819
20212223242526
27282930

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss