galego | español
texto grande
buscar

Noticias

Xuventude

xoves, 2 de setembro de 2021
"O CONCELLO DO GROVE COLABORA NA III EDICIÓN DO CAMPO DE VOLUNTARIADO ‘A TERRA QUE HABITA NO MAR’"
foto

O Concello do Grove coopera na III edición do Campo de Voluntariado “A terra que habita no mar”, organizado pola Consellería de Política Social dentro do programa xuvenil O verán que necesitas. A súa duración será do día 1 ao 12 de setembro e estará executado polo Cámping Fieitás.

 

Igual que os anos anteriores, a temática desta actividade é medioambiental e trata de poñer en valor o municipio do Grove a través de traballos de limpeza e extracción de especies vexetais invasoras, como a uña de gato ou a margarida africana, da recuperación de estruturas de observación ornitolóxica e do deseño e colocación de carteis interpretativos nas diferentes zonas de actuación en que se desenvolva o campo.

 

En canto ao ámbito de procedencia das persoas participantes, este ano será nacional, con seis de orixe galega, unha do País Vasco, unha de Ávila, unha de Navarra e outra que vén desde Zaragoza. Orixinariamente o ámbito sempre foi internacional, pero por culpa das medidas provocadas pola crise sanitaria da Covid-19 este ano mudou a nacional (o ano pasado foi de ámbito autonómico). O número de participantes tamén se viu reducido por mor destas medidas, polo cal nesta edición só acudirán once persoas de entre 18 e 30 anos.

 

A recepción oficial dos participantes tivo lugar hoxe xoves, ás 11.00 horas, na Sala das Cunchas da Casa do Concello do Grove, e nela participou, en representación do Concello, Ángeles Domínguez, concelleira de Medio Ambiente.

 

As persoas integrantes deste campo de voluntariado serán compensadas parcialmente polo seu esforzo con aloxamento e manutención no Cámping Fieitás e mais con actividades turísticas, culturais, lúdicas e deportivas ofertadas por esta empresa e polo Concello do Grove.

 
Galería:
 
Webcam en Directo

axenda

calendario
mes anterior outubro | 21 mes próximo
LMMXVSD
123
45678910
11121314151617
18192021222324
25262728293031

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss