galego | español
texto grande
buscar

Noticias

Igualdade e Sanidade

venres, 17 de decembro de 2021
"O CONCELLO AUMENTARÁ ESTES DÍAS OS CONTROIS PARA GARANTIR O CUMPRIMENTO DAS MEDIDAS ANTICOVID NA HOSTALERÍA"
foto

 

Debido á alta incidencia da Covid-19 que se está a dar estes días en Galicia en xeral e no Grove e na súa área sanitaria en particular, o Concello anuncia que de cara ás próximas festas do Nadal vai poñer en marcha un plan de reforzo para o control da seguridade anticovid nos locais de hostalería do municipio co fin de constatar o cumprimento das medidas sanitarias de protección que están aprobadas actualmente pola Xunta de Galicia, como a petición do pasaporte Covid ou o uso da máscara para permitir o acceso a estes establecementos. Así pois, a Policía Local do Grove, en colaboración coa Garda Civil, incrementarán nestas datas as inspeccións e os controis do cumprimento de todas as medidas antipandemia, incluídas as capacidades máximas permitidas e os horarios de peche, nomeadamente nos locais de ocio nocturno.

 

Cómpre engadir que a partir da entrada en vigor dos decretos publicados nas últimas horas no Diario Oficial de Galicia (DOG), a obrigatoriedade do cumprimento destas medidas preventivas de seguridade sanitaria tamén se estende a outro tipo de locais e actividades, como por exemplo ximnasios, centros deportivos ou actos masivos, que tamén se controlarán.

 

Desde o Concello pídese a máxima colaboración, tanto dos profesionais destes sectores como da súa clientela ou persoas usuarias, para o cumprimento destas medidas sanitarias, pois de todas e todos nós depende poder ofrecer maior seguridade ante o coronavirus na nosa vila.

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss