Dispositivo especial de tráfico e restricións de circulación con motivo do Festival de Comparsas este sábado

Fecha: 2026-02-13

A Concellería de Seguridade Cidadá e a Policía Local do Grove comunican que, debido á celebración do tradicional Festival de Comparsas, estableceranse medidas especiais de regulación do tráfico no centro urbano durante a tarde deste sábado.

O obxectivo destas medidas é garantir o bo desenvolvemento do evento e a seguridade tanto dos participantes como do público asistente.

Horario das restricións:

O dispositivo activarase o sábado 14 de febreiro ás 18:00 horas e manterase ata a finalización do evento e a normalización da situación na vía pública.

Rúas cortadas ao tráfico:

Prohibirase a circulación de vehículos nas seguintes vías:

• Rúa Castelao – Pombal
• Rúa Estrechortas – Conricado

 Acceso exclusivo para residentes:

Habilitarase o acceso unicamente para vehículos de residentes nas seguintes zonas:

• Pombal
• Monte da Vila
• Conricado

Accesos a servizos esenciais (Centro Médico e Casa do Mar):

Para garantir o acceso aos servizos públicos situados na zona afectada, establécese un itinerario alternativo. O acceso ao Campo de fútbol, á Casa do Mar e ao Centro Médico realizarase exclusivamente a través da Rúa Bouzas

Recomendacións:

Desde a Policía Local do Grove solicítase a máxima colaboración da cidadanía, respectando a sinalización circunstancial e as indicacións dos axentes. Recoméndase evitar o uso do vehículo privado no centro urbano durante as horas do evento e planificar os desprazamentos con antelación.

Grazas pola súa colaboración e desculpen as molestias.