Oficina técnica / Informes e proxectos

Unha xestión eficaz do territorio e a busca dun equilibrio urbanístico nun concello que está a medrar constantemente e que é referente dunha comarca tan importante coma o do Salnés son dúas cuestións fundamentais para conseguir maiores cotas de calidade de vida da veciñanza do Grove.

Para acadar estes obxectivos, a Área de Urbanismo desenvolve as seguintes funcións:

• Redacción de toda clase de instrumentos de planeamento urbanístico para o desenvolvemento da vila, velando polo seu rigoroso cumprimento.
• Información e asesoramento ás persoas particulares e ás institucións.
• Tramitación das licenzas urbanísticas (obras maiores, obras menores, primeira ocupación, parcelación, etcétera).
• Supervisión das iniciativas urbanísticas das persoas particulares.
• Inspección urbanística, promovendo expedientes sancionadores ou reposición da legalidade urbanistica infrinxida cando sexa o caso.
• Xestión do patrimonio municipal do solo.
• Redacción e execución de proxectos de obras (urbanización de rúas, parques e xardíns, edificacións municipais, dotación de servizos básicos –iluminación, auga, saneamento-, etcétera).
• Declaración de ruína de edificios.