Axudas municipais para a adquisición de libros de texto e material escolar (Curso 2025-2026)
Fecha: 2025-06-02
A Concellaría de Servizos Sociais do Concello do Grove informa de que, entre os días 2 e 30 de xuño de 2025, permanecerá aberto o prazo de presentación de solicitudes das axudas municipais para a adquisición de libros de texto e material escolar destinadas ao curso académico 2025-2026.
Estas axudas van dirixidas ao alumnado de Educación Infantil, Educación Primaria e Educación Secundaria Obrigatoria, que curse estudos en centros sostidos con fondos públicos situados no termo municipal do Grove.
A concesión das axudas estará condicionada ao nivel de ingresos da unidade familiar, segundo os criterios establecidos nas bases reguladoras.
Documentación requirida:
Fotocopia do DNI da persoa solicitante.
Fotocopia completa do libro de familia.
Volante de empadroamento familiar (será solicitado polo propio departamento de Servizos Sociais).
Xustificante de ingresos de todos os membros da unidade de convivencia (preferentemente a declaración da renda do exercicio 2024).
Xustificante de matrícula do curso 2025-2026.
Contrato ou recibo de alugueiro da vivenda habitual, ou xustificante de pagamento da hipoteca.
Presentación de solicitudes:
As solicitudes poderán presentarse a través de:
A Sede Electrónica do Concello do Grove, empregando certificado dixital ou Chave 365
O Rexistro Municipal situado na planta baixa do Edificio Administrativo (Rúa Alcalde Xacobe Barral Otero nº 3), en horario de atención ao público.
MODELO SOLICITUDE AXUDAS ANEXO I
Para calquera dúbida ou aclaración, as persoas interesadas poden dirixirse ao Departamento de Servizos Sociais.