O CONCELLO DO GROVE CONVOCA A XIV EDICIÓN DO CONCURSO DE PINTURA ERNESTO GODAY
Fecha: 2026-05-08
O CONCELLO DO GROVE CONVOCA A XIV EDICIÓN DOCONCURSO DE PINTURA ERNESTO GODAY
O Grove, 8 de maio de 2026.- O Concello do Grove convocaa décimo cuarta edición do concurso en memoria do insigne pintor local Ernesto Goday, dotado con 3000,00 €.
Neste nova edición do certame pode participar calquera persoa maior de idade que presente unha obra inédita e orixinal da súa autoría, cunhas dimensións comprendidas entre 60 x 50 e150 x 150, realizada con técnica e estilo libre. A temática terá que estar relacionada co paisaxe natural e urbano do Grove e as súas xentes.
Todas e todos os interesados en participar, poden facer a súa inscrición aportando unha fotografía da obra en formato dixital acompañada da folla de inscrición que pode descargarse na Sede electrónica do Concello do Grove ata o 30 de setembro de 2026, no correo electrónico casadacultura@concellodogrove.es oua través do enderezo postal Casa da Cultura Manuel Lueiro Rey, Monte da Vila,11, CP 36980 O Grove (Pontevedra).
Un xurado composto por profesionais do mundo da arte, realizará unha preselección que se comunicará ás persoas interesadas no mes de outubro. Os artistas seleccionados deberán enviar as súas obras que formarán parte da exposición do concurso e do ‘Catálogo 2026’. De esa preselección sairá aobra gañadora do 2026.
