Feito co Mar promove encontros informativos sobre formación e emprendemento no sector pesqueiro
O proxecto Feito co Mar, centrado na transformación e valorización dos produtos pesqueiros, organiza unha serie de encontros informativos para dar a coñecer os seus Viveiros Formativos de Emprendemento.
Esta iniciativa, impulsada polos Grupos de Acción Local do Sector Pesqueiro (GALP), busca ofrecer oportunidades de formación e emprendemento ás persoas interesadas na elaboración e transformación de produtos do mar, como conservas, salgados, afumados, patés ou produtos desecados.
Os encontros informativos, abertos ás persoas interesadas en coñecer o programa, celebraranse nas seguintes datas e lugares:
Ribeira: venres 30 de outubro, ás 17.00 horas, na Praza de Abastos.
Boiro: venres 30 de outubro, ás 19.30 horas, no Viveiro Emprendedor.
Cambados: luns 2 de novembro, ás 18.00 horas, en Exposalnés.
Vilanova de Arousa: martes 3 de novembro, ás 12.30 horas, no Pazo Vista Real.
A iniciativa conta con financiamento europeo e da Xunta de Galicia e pretende favorecer a creación de novas oportunidades profesionais e empresariais vinculadas ao sector marítimo-pesqueiro.
Máis información e contacto:
Web: https://i.gal/feitocomar
Correo electrónico: info@feitocomar.gal
Teléfono: 627 570 950
